IMAX 哈利波特鳳凰會的密令

最終都等到香港有商業ＩＭＡＸ　啦∼早早就去買左飛，但其實都幾ｆｕｌｌ下，但好在我睇下午，都仲有唔小位．咁當然而家買就梗係買唔到啦，賣到８　月８　都ｆｕｌｌ　，真係忽架！

睇之前都幾期待下，　可惜間ＵＡ　Ｍｅｇａ　Ｂｏｘ　做得好差下，門口細，無位，仲要加間小食部係度，個個都企係死等，好啦∼開場啦，一入場∼我哇左一下∼”攪咩咁細架””　個ＳＣＲＥＥＮ　就鬼死咁大∼真係５　樓咁高，但間野就勁細，直覺上仲細過"ＪＰ"，"豪華"一定大過佢三倍有多，成個比例好奇怪，坐前幾行一定好辛苦，坐邊都係死路一條．勁推介大家買Ｇ，Ｈ，Ｊ－　１４　到２２． 拎番隻眼鏡就拿拿林坐低~ 心諗~"死啦~一定睇得好辛苦"

所以佢係上便張相一點點Ｄ　位係無買，　因為真係太近，出３Ｄ　真係睇到你嘔都得∼

開場之前個個人都拎電話／相機出黎影相，隻眼鏡咁鬼大隻，又噁心，有咩好影丫真係∼　　真係無咩人唔影．里便咩人都有，　一家大細，阿婆都有好幾個，　幾條佬黎ｆｅｅｌ　下新野又有，　但不外乎每個人都會講一句∼∼”哇∼好大喎，睇得好辛苦”　好似我身邊ｏ個兩條佬，　係咁講丫講∼丫∼講丫∼講∼好煩！

Ｆｅｅｌ　到大家都係好係度等緊最後二十分鐘３Ｄ　戲，忽然打出左３　隻紅色眼鏡時, 成間戲院都係咁笑呀,講野丫, 好似最後都等到啦大家,HAHA,其實幾好笑下,

一開始就係Harry 一班人飛, 呢part 3D 就梗係勁啦, 正如D 人咁講~成個Harry 飛埋黎, 之後就係下便呢part 啦, 好明顯地所有野都好"3D" 每個人企個位係凸左出黎, 一個前,一個後咁, D牆呀, 牆上d 物件呀全部都係一件件咁有凹有凸. 過左呢part 就係戲肉啦~"鄧不利多大戰佛地魔"啦~ d 火呀,條火龍呀, 光呀電呀咁, 都幾過癮下,特別係呢間野幾靚聲下, 放火龍o個下, 個坐位都震埋.

不過話番呢頭, 我始終仲記得我第一次睇3D , 係MJ 黎,唔記得係Disney 定Universal,o個隻鬼手真係飛埋黎咁, 今次呢個3D始終都係後天野，做出黎，所以始終唔叫得好勁，好正，　但反正係出便睇都話要加＄１０　（又加）咁就不如俾多幾條野去睇ＩＭＡＸ　３Ｄ啦．

講真，我唔會話唔好睇，但我又唔推介人，始終係部戲出問題，唔係ＩＭＡＸ　同３Ｄ　問題，　你話如果係Transformer 咪好囉,一定好抵睇,.　但總括黎講，＄９５　，ＯＫ　囉，　但假日睇要＄１１５　，我就覺得甘左小小啦，但好在年中都唔會有好多部睇∼唔洗怕∼∼∼

話時話機場個4D仲正，　有水有風仲有煙花添∼∼下次要去睇埋佢