再見~~皇后戲院

三個月之前知道"皇后"會結業,心里真係打個凸..........又無一間...........

不過都其實都應該早D 而唔係今日架啦............如果唔係陸氏,真係早就無左添!

呢間陪住我大的好戲院最終都係要結業囉..............

（用我部ＳＥ　手提影左幾張相，唔太靚）

細個阿媽同DADDY 去翠亨邨打麻將,打之前梗係會去戲院里間Peter Pan (而家上海灘個位)買架TOMY仔,變形金剛,HE-MAN, GI-JOE 等等俾我,我就坐定定.有時就搵D 伙計陪我去睇戲~(其實諗番都好好笑)仲記得有一部係大哥部"奇蹟".

到我再大小小.我可以自己走去睇, o個時仲有"娱樂"係對面,我就同"娱樂" 小食部個阿姐FREIND 左, 又請我食野,特別多POPCORN.仲請過我睇戲,但"皇后" 呢? 佢賣飛同小食部D 人都好COOL ,所以無識過,都無拎過POSTER.....

o個時我最大節目就係睇劇照同poster.單係皇后放劇照d 架都多得嚇死人.無記錯,下便有太約10 個,上便就有4個.單係不日放映都有好幾個, 試問下而家d戲院會放"COMING SOON ~~不日放映" 先得架??

今日呢度等番所謂一個架，劇照都唔多張。。。。。

而家"美心" 同"HSB" o個位就係大堂黎,"和民" 個位就係賣前坐飛,如果一有大戲~ 即係成龍.洪金寶.許冠文呢d 咁, 早三日買飛就梗架啦~買飛條龍由"美心" o個個位一直排到"和民"門口.咩叫真正"預售三日" 就係呢d . 

仲有當時"皇后"都係叫做"嘉樂線" 香港龍頭, 就算無什麼首映,但星期6 午夜場同一D 閒日時間,你點都會見到什麼大明星,小明星,而佢地多數坐超等,o個時都會有好多人企係度等睇明星丫,簽名咁. 特別係商場左邊第一間shop 就係成龍間"JC SHOP" 要見佢絕對唔難.

當時如果同一時間散場,"娱樂""皇后" 兩間加埋,單係個十字路口位,最小都千幾兩千人係度, 有走人,有去睇戲,加埋本身中環D人,真係好鬼奇景,而家? 無啦,無一間戲院有囉, 外國都難呀,唔好話香港........

"娱樂" 先無左,之後"皇后" 都變小番新.一上一下,變成得番個上~~超等,但因為始終都係上一代D大棺材,所以都仲有成350 個位. 除左CUT 左下便堂座.無左大堂.其實都完全無變過. 而超等d 坐位係可以推前推後~唔係好多戲院有架~~而最好就係. 佢始終都係用番商場咁行出黎, 呢個真係好好FEEL, 而個商場門口位上便,就一定係有一大張畫係度,話俾你知下期放咩~個個睇完就已經講定下期做咩~好得意~~

再之後"皇后" 又番一番新,就變成而家呢個樣. 即使佢係得番一半,但佢個感覺真係同而家D cineplex 好唔同.點都係大棺材,就係有睇戲個感覺.呢個情況同對面海間海運一樣. 而番新之後,其實都已經唔叫大多人去呢度睇戲,由做香港戲,到除左大戲之外都係做外國片多.但可能因為地方關係,睇D人都特別有質數. 講野傾計? 無! 電話響? 無! 真係好過好多戲院,即使o個時UA 金鐘都唔得~

而家人手畫飛戲院得番唔係好多間,坦白講, 我鐘意呢個多D, 咁多年都唔明D 人點會睇得明個阿姐畫左咩位.HAHA. 電腦飛係會甩色,新野唔一定係好野, 不過戲院就好似人咁.記憶走得快,忘都忘得快.........

上一代D 人集體回憶,呢一代人係真係唔會明白..... 單係睇戲唔講電話,唔大聲講野都做唔到.........

今日蘋果都有講,但佢居然係話"傳明天結業"...收料唔得,早就知10 月1 就唔做囉....引用一張畫飛

最後一部電影為＂色 ， 戒＂。。。。。。。。

DSC00367

DSC00358

DSC00356

DSC00354

DSC00352